ఐ ఎన్ బి టైమ్స్, వరదయ్యపాలెం అక్టోబర్ 28: తిరుపతి జిల్లా సత్యవేడు నియోజకవర్గం వరదయ్యపాలెం మండలం యానాదివెట్టులో రోడ్డుపై బస్సు దిగబడటంతో వాహనాల రాకపోకలకు తీవ్ర అంతరాయం ఏర్పడింది. రోడ్డులో బస్సు ఇరుక్కుపోవడంతో ట్రాఫిక్ జామ్ ఏర్పడి, అటుగా ప్రయాణించే వాహనదారులు, ప్రయాణికులు ఇబ్బందులు ఎదుర్కొన్నారు. బస్సు రోడ్డుపై ఇరుక్కుపోవడంతో వాహనాల రాకపోకలు నిలిచిపోయి స్థానికంగా ట్రాఫిక్ సమస్య తలెత్తింది. ఈ ఘటనతో రహదారి పరిస్థితిపై స్థానికులు ఆందోళన వ్యక్తం చేస్తున్నారు. రోడ్డు సక్రమంగా లేకపోవడం వల్లే ఇలాంటి పరిస్థితులు ఎదురవుతున్నాయా? అనే ప్రశ్నలు లేవనెత్తుతున్నారు.

*అధికారులు ఇప్పటికైనా స్పందిస్తారా?*

ప్రజల రాకపోకలకు ఇబ్బందులు కలగకుండా సంబంధిత అధికారులు వెంటనే స్పందించి, బస్సును తొలగించి ట్రాఫిక్‌ను పునరుద్ధరించాలని స్థానికులు కోరుతున్నారు. అలాగే రహదారి పరిస్థితిని పరిశీలించి, భవిష్యత్తులో ఇలాంటి ఘటనలు పునరావృతం కాకుండా తగిన చర్యలు తీసుకోవాలని విజ్ఞప్తి చేస్తున్నారు. ప్రజలకు ఇబ్బందులు కలిగిన తర్వాతే అధికారులు స్పందించాలా? యానాదేట్లో రహదారి సమస్యకు శాశ్వత పరిష్కారం చూపాల్సిన అవసరం ఉందని స్థానికులు అభిప్రాయపడుతున్నారు.