డా. బి.ఆర్. అంబేద్కర్ కు జిల్లా కలెక్టర్ ఘన నివాళి
ఐ ఎన్ బి టైమ్స్ విశాఖపట్నం ఏప్రిల్ 14 : భారత రాజ్యాంగ నిర్మాత డా. బి.ఆర్. అంబేద్కర్ కు జిల్లా కలెక్టర్ డా.ఎ. మల్లిఖార్జున ఘన నివాళులర్పించారు. అంబేద్కర్ 134వ జయంతిని పురస్కరించుకొని స్థానిక కలెక్టరేట్ సమావేశ మందిరంలో ఆదివారం ఉదయం ప్రత్యేక కార్యక్రమాన్ని నిర్వహించారు. ముఖ్య అతిథిగా పాల్గొన్న కలెక్టర్.. మహనీయుడి చిత్రపటానికి పూలమాల వేసి నివాళులర్పించారు. జిల్లా రెవెన్యూ అధికారి కె. మోహన్ కుమార్, ఆర్డీవోలు హుస్సేన్ సాహెబ్, భాస్కర రెడ్డి, సాంఘిక సంక్షేమ శాఖ డీడీ రామారావు, ఇతర అధికారులు కార్యక్రమంలో భాగస్వామ్యమై రాజ్యాంగ నిర్మాతకు ఘనమైన నివాళులర్పించారు. ఆయన సమాజానికి అందించిన సేవలను స్మరించుకున్నారు. కార్యక్రమంలో జిల్లాలోని సాంఘిక సంక్షేమ శాఖ పరిధిలో వివిధ చోట్ల సేవలందించే అధికారులు, ఇతర విభాగాల అధికారులు, కలెక్టరేట్లోని వివిధ విభాగాల సూపరింటెండెంట్లు, సిబ్బంది తదితరులు పాల్గొన్నారు.
Comment List